У книга

Таче эше ик у книга ош тӱням ужо. «Чоҥеште, ит чаре шӱмет!» почеламут сборникын авторжо – Шернур район Йошкар-Памаш ялын ӱдыржӧ, кӱшыл категориян туныктышо Лариса Витальевна Шабдарова. Поэзийлан тудо эше Марисола школышто тунеммыж годымак шӱмаҥын. Шочмо ялын сылне пӱртӱсшӧ, пашам йӧратыше калык чоныштыжо изинек кугешнымаш кумылым луктыныт. Тиде шижмашым сылне корнылаштыже раш ужаш лиеш.

«Чоҥеште, ит чаре шӱмет!» у сборникым савыкташ Дина Михайловна Рычкова ямдылен. Тушеч икмыняр ик почеламутшым тыланда лудаш темлена

ИДА...

Ида чамане, мо эрталын.

Ида лўд, мо мемнам вуча.

Ида кӧране еҥ усталан.

Ида шудал, кӧ пӧрт еда кӱча.

Ида мужед, пиалдам мучышталын.

Ида куане, кӧ ойган шинча.

Ида моктане, шекшдам шелын.

Ида пур еҥым, кӧ тура онча.

Ида шўведе тавыш эплын.

Ида сӧрвале кайыше ачам.

Ида йомдаре ырлан вуйым.

Ида кодал те кумылым йочан.

Ида кӱнчал вынемым еҥлан.

Ида курж жапым ончылтен.

Ида оҥаре ойган семлан.

Ида турж корштышо чонем... Ида...