Газеты Сернурского района Республики Марий Эл 22 сентября 09 г.
22 сентября 2017 г.
Главная Культура и искусство Землякнам пагален шарналтеныт

Землякнам пагален шарналтеныт

15 сентября 2017 года

8 сентябрьыште А.Ф.Конаковын шочмыжлан 130 ий темын. Тидлан пєлеклалтын ыле кодшо арнян поселкышто эртыше митинг. Ен-влак ондак районысо тўвыра да каныме рўдерыш погыненыт. Тыште Александр Федоровичын илышыжлан да творчествыжлан пєлеклалтше выставкым онченыт. Митинг А.Ф.Конаковлан шарнымаш кў воктене эртен. Тўвыра отделын вўдышє специалистше Т.И.Пакеева погынышо-влакым марий просветитель, уста драматург, чолга журналист, тале организаторын кўчык да тўвыргє илыш-корныж дене палдарен. Александр Конаков Шернур районлан эн ончычак Пеледыш пайремын ачаже семын палыме. Лачак тудлан тауштен, ты пайрем икымше гана Шернурышто эртаралтын. Тылеч вара республикысе да Российыште илыше марий калык национальный сылне пайремым кажне ийын кумдан палемдаш тўналын. Тидын нерген палемден шке выступленийыштыже районысо тўвыра да каныме рўдерын вуйлатышыже А.А.Швецова. А.Ф.Конаковын йылмыжым колышташ темлен, Екатерина Суворова марий драме гыч Кунавийын монологшым лудын. Мучашлан, землякнам пагален, шарнымаш кў воктекше пеледыш аршашым пыштеныт.

Людмила Бердинская.

Комментарии (0)